Maskirani napadač ubio je u subotu četvorogodišnjeg dječaka i njegovog oca, a majku i još dvoje djece ranio, u mjestu Inglvud u blizini Los Andjelesa.
Policija traga za napadačem, koji je nosio molersku masku, a sumnja se da je to jedan komšija napadnute porodice, koji je iznajmljivao kuću u blizini.
Napadač je prvo zapalio kuću, poslije čega su svi članovi porodice izašli napolje. Tada je počeo da puca na njih, teško ranivši oca i majku, kao i troje djece, starosti 4, 6, i 7 godina. Najstariji sin, osmogodišnjak, nije ranjen. Otac i najmladje dijete podlegli su povredama u bolnici, na operacijama.
Tridestogodišnji otac pokušao je da svojim tijelom zaštiti dvoje djece kada je upucan, a majka je četvorogodišnjeg sina, iako ranjena u obje noge, prenijela do komišijskog dvorišta.
Pretpostavlja se da je napadač živio u jednoj kući u blizini. Pet kuća u okolini su evakuisane, a i stanovnicima naselja je savjetovano da ostanu unutra, jer je osumnjičeni opasan i naoružan.
Majka i dvoje ranjene djece su u teškom stanju.
Motiv napada je nepoznat, mada je jedna komšinica izjavila da je napadač, koji je živio u blizini, bio pravi čudak i da je novi vlasnik imanja na kome se nalazila kuća koju je iznajmljivao tražio da se iseli jer godinama nije plaćao zakup.
KOMENTARI